ମିଲୱାକି, ୦୧ ଅକ୍ଟୋବର;  G20 Trade Ministers’ Meeting ଆରମ୍ଭ ହେବା ସହିତ ଭାରତର ବାଣିଜ୍ୟ ଓ ଶିଳ୍ପ ମନ୍ତ୍ରୀ ପୀୟୂଷ ଗୋୟଲଙ୍କୁ ନେଇ ଆମେରିକାର ଟ୍ରେଡ୍ ରିପ୍ରେଜେଣ୍ଟେଟିଭ୍ ଜାମିସନ୍ ଗ୍ରିୟରଙ୍କ ଏକ ହାସ୍ୟରସାତ୍ମକ ଟିପ୍ପଣୀ ଚର୍ଚ୍ଚାରେ ଆସିଛି। ସେ ଗୋୟଲଙ୍କୁ “trade minister for life” ବୋଲି ସମ୍ବୋଧନ କରିଥିଲେ। ଗ୍ରିୟର କହିଥିଲେ, ଅଧିକ ସନ୍ତୁଳିତ ଓ ନ୍ୟାୟସଙ୍ଗତ ବିଶ୍ୱ ବାଣିଜ୍ୟ ବ୍ୟବସ୍ଥା ଗଠନର କାମ ବର୍ତ୍ତମାନର ମନ୍ତ୍ରୀମାନେ ପଦ ଛାଡ଼ିବା ପରେ ମଧ୍ୟ ଜାରି ରହିବ—“maybe except for Piyush who is trade minister for life” ବୋଲି ସେ ମଜା କରିଥିଲେ। 

                       ଏହି ହାସ୍ୟରସପୂର୍ଣ୍ଣ ମୁହୂର୍ତ୍ତ ପଛରେ ରହିଛି ବିଶ୍ୱ ବାଣିଜ୍ୟ ବ୍ୟବସ୍ଥାକୁ ନେଇ ଗୁରୁତ୍ୱପୂର୍ଣ୍ଣ ଆଲୋଚନା। ୨୦୨୬ର G20 ଅଧ୍ୟକ୍ଷତା କରୁଥିବା ଆମେରିକା ଚାରିଟି ପ୍ରମୁଖ ବିଷୟକୁ ଆଲୋଚନାର କେନ୍ଦ୍ରରେ ରଖିଛି । ‘weaponization’, structural excess capacity ଓ production, Most-Favoured-Nation (MFN) principle ଏବଂ global supply chainରେ forced labour। ବିଶେଷକରି ଶିଳ୍ପ ଉତ୍ପାଦନରେ ଅତିରିକ୍ତ କ୍ଷମତାକୁ ନେଇ ଆମେରିକା ଅଧିକ ସମନ୍ୱିତ ପଦକ୍ଷେପ ପାଇଁ ଜୋର ଦେଇଛି। ଗ୍ରିୟରଙ୍କ ଅନୁସାରେ, ୨୦୧୬ରେ G20 ଦେଶଗୁଡ଼ିକ excess industrial capacity ସମସ୍ୟା ଉପରେ ପଦକ୍ଷେପ ନେବାକୁ ସହମତ ହୋଇଥିଲେ, କିନ୍ତୁ ଏକ ଦଶନ୍ଧି ପରେ ମଧ୍ୟ ଏହା ଏକ ପ୍ରମୁଖ ଚ୍ୟାଲେଞ୍ଜ ରହିଛି। 

G20 ବୈଠକ ଭାରତ-ଆମେରିକା ବାଣିଜ୍ୟ ଆଲୋଚନା ପାଇଁ ମଧ୍ୟ ଏକ ଗୁରୁତ୍ୱପୂର୍ଣ୍ଣ ମଞ୍ଚ ହୋଇଛି। ପୀୟୂଷ ଗୋୟଲ ସେପ୍ଟେମ୍ବର ୩୦ରେ USTR ଜାମିସନ୍ ଗ୍ରିୟରଙ୍କ ସହ ଆଲୋଚନା କରିଥିବା ଏବଂ India-US Bilateral Trade Agreement ଅଧୀନରେ ଏକ mutually beneficial interim agreement ଶୀଘ୍ର ସମାପ୍ତ କରିବା ନେଇ ଆଲୋଚନା ହୋଇଥିବା କହିଛନ୍ତି।  ଭାରତ ସରକାରଙ୍କ ପୂର୍ବ ଘୋଷଣା ଅନୁସାରେ, ଗୋୟଲ ସେପ୍ଟେମ୍ବର ୨୯ରୁ ଅକ୍ଟୋବର ୫, ୨୦୨୬ ପର୍ଯ୍ୟନ୍ତ ଆମେରିକା ଗସ୍ତରେ ଅଛନ୍ତି ଏବଂ ସେପ୍ଟେମ୍ବର ୩୦ ଓ ଅକ୍ଟୋବର ୧ରେ ମିଲୱାକିରେ G20 Trade Ministers’ Meetingରେ ଯୋଗ ଦେଉଛନ୍ତି। 

ଏହା ସହିତ ଗୋୟଲ ଆମେରିକୀୟ manufacturing ଓ technology କମ୍ପାନୀର ଶୀର୍ଷ ଅଧିକାରୀଙ୍କ ସହ ମଧ୍ୟ ଆଲୋଚନା କରିଛନ୍ତି। ଭାରତରେ ନିବେଶ, manufacturing, technology, innovation ଓ resilient supply chains ଭଳି କ୍ଷେତ୍ରରେ ଭାଗିଦାରି ବଢ଼ାଇବା ଉପରେ ଏହି ଆଲୋଚନାରେ ଗୁରୁତ୍ୱ ଦିଆଯାଇଛି। ବର୍ତ୍ତମାନ ଭାରତ-ଆମେରିକା ବାଣିଜ୍ୟ ଆଲୋଚନାରେ ଶୁଳ୍କ, ବଜାର ପ୍ରବେଶ ଓ ଦୁଇ ଦେଶର ବାଣିଜ୍ୟିକ ହିତ ଭଳି ଅନେକ ପ୍ରସଙ୍ଗ ରହିଛି। Reuters ଅନୁସାରେ, ଦୁଇ ଦେଶ ମଧ୍ୟରେ ବାଣିଜ୍ୟ ଚୁକ୍ତିରେ ଏପର୍ଯ୍ୟନ୍ତ ସମ୍ପୂର୍ଣ୍ଣ ସହମତି ହୋଇନାହିଁ ଏବଂ ଅନ୍ତରୀଣ ଚୁକ୍ତିକୁ ନେଇ ଆଲୋଚନା ଜାରି ରହିଛି।